De­šimtā­sis že­mai­tiu kal­buos dėk­tants

„Kriuok a joukēs – metā maun kap žaltē, / Ė ne­mačīs čė ne kriuok­sė­na, ne jouks“, – ei­lie­raš­tie „Sēstont“ pri­mėn om­žė­na atil­si kal­bė­ninks, sa­va gim­tou­jė že­mai­tiu kal­bo ra­šės puoets, ga­bi­li­touts gu­ma­ni­ta­rė­niu muoks­lu dak­tars pruop. Gėr­die­nis Alek­sos. Ta kėik če be­praēs, ka Skou­da ra­juo­na sa­vė­valdī­bės Ro­moal­da Gra­naus­kė vėi­šuo­ji bėb­liuo­te­ka so Skou­da že­mai­tiu drau­gė­jė apėnt kvėis rašī­tė že­mai­tiu kal­buos dėk­tan­ta. Ėr ons būs ju­bi­lie­ji­nis – jau de­šimtā­sis.

Va­se­rė 5 d. or­ga­ni­zou­je­ma dėk­tan­ta tėkslā – pruo­pa­gou­tė že­mai­tiu kal­ba ėr muokī­tėis anuos gra­ma­ti­kas.
Rašī­tė dėk­tan­ta gal vė­sė so­lau­kė 14 me­tu, ne­prik­lau­suomā no anū gīve­na­muo­sės vėi­tas.

Kap ėr onks­tiau, ga­lies rašī­tė Skou­da ra­juo­na sa­vė­valdī­bės Ro­moal­da Gra­naus­kė vėi­šuo­jie bėb­liuo­te­kuo (Da­riaus ėr Gi­rie­na g. 25B) ar­ba bi­ka­mė kė­tor vei­zont tėi­siuo­gė­nė trans­lia­cė­jė in­ter­ne­ta suo­cia­lė­nė tink­la „Fa­ce­book“ šiuos bėb­liuo­te­kas pa­skīruo.

Tus, kat­rėi nuo­r rašī­tė dėk­tan­ta Skou­da bėb­liuo­te­kuo, dė­dėlē kvėi­tam lig va­se­rė 3 d. ož­sė­re­gist­rou­tė elekt­ruo­nė­nio pa­što da­lia.zabitiene@svb.lt, nuo­rs ga­lies rašī­tė ėr ož­sė­re­gist­rou­tė ne­spie­jo­sėjē.

Dėk­tan­ta pra­dė – 18 val.

Pa­sė­bėn­gos dėk­tan­ta trans­lia­cėjē in­ter­ne­tė, anou ra­šio­sėjē ne bėb­liuo­te­kuo par 30 mė­no­tu to­ries at­siūs­tė teks­ta „Word“ po­rma­to ar­ba nos­ke­nou­ta, no­pa­veiks­lou­ta (bet gerā ma­tuo­ma, par­skai­tuo­ma) ron­ko rašī­ta va­ri­jan­ta elekt­ruo­nė­nio pa­što da­lia.zabitiene@svb.lt.

Dėk­tan­ta dalī­viu ge­bie­jėmā būs ver­tė­na­mė at­sėž­vel­gont i kal­bė­nin­ka dr. Pab­rie­žas Jū­zo­pa vei­ka­lė „Že­mai­tiu kal­ba ėr rašī­ba“ ėš­diestī­tas šiuos kal­buos gra­ma­ti­kas taisīk­lės.

Tarp­tau­tėnē gim­tuo­sės kal­buos dėinā skėr­tuo švėn­tie, kat­ra būs va­se­rė 21 d. 13 val. Skou­da ra­juo­na sa­vė­valdī­bės Ro­moal­da Gra­naus­kė vėi­šuo­jie bėb­liuo­te­kuo, trīs, kat­rėi pa­dėrbs par­vės ma­žiau klai­dū, būs ap­duo­vė­nuo­tė pri­zās ėr pa­die­kuos raštās. Vo je gerā pa­ra­šio­siu ra­sės dau­giau, dau­giau kliūs ėr pa­die­ka­vuo­niu.

Kuož­na me­ta dėk­tan­ta ra­ša že­maitē ne tik ėš Že­mai­tė­jės, bet ėr ėš kė­tū Lie­to­vuos re­gi­juo­nu, net ož­sėi­nė. Pa­sėt­ruo­pėi ėr vėns kėts sa­va ge­bie­jė­mus že­mai­tiu kal­buos rašī­buo be­nuo­ris ėš­mie­gin­tė aukš­tai­tis. Vo ju­bi­lie­ji­ni – de­šim­tou­ji – dėk­tan­ta to­rie­tom rašī­tė dau­giau žmuo­niū ne­go kėtās metās.

Skou­da ra­juo­na sa­vė­valdī­bės Ro­moal­da Gra­naus­kė vėi­šuo­sės bėb­liuo­te­kas in­por­ma­cė­jė